Jasoit, Amour, que le plus malheureux
Je sois de ceux que jamais tu blessas,
Veu que mon cœur chastement amoureux
En lieu à moy trop estrange adressas.
Sans reconfort encor ne me laissas,
En me donnant conseil si bon et sage
Qu’en mon plus grand danger je prens courage,
L’oyant parler avec si grand’ raison.
Ce seul conseil, Amour, par son langage
Fait esjouir mon cœur en ta prison.